Районда укытучыларның квалификациясен күтәрү курслары узды
Кыска вакытлы укыту курслары Аксубай шәһәр тибындагы поселогында урта мәктәпләр мәйданчыкларында оештырылды.
Укытучыларны укытуны КФУның педагогик хезмәткәрләрнең һөнәри осталыгын өзлексез арттыру үзәге гамәлгә ашырды.
Грамоталы уку блогы буенча белем бирү курсын В.Г. Тимирясов исемендәге Аксубайның 1нче мәктәбе базасында 57 чит ил, рус, туган (татар һәм чуаш) телләре һәм әдәбияты, тарих һәм җәмгыять белеме укытучысы алды;
Математик уку блогын 19 математика һәм информатика укытучысы үзләштерде;
3нче Аксубай урта мәктәбе мәйданчыгында табигый фәннәр буенча укуларны егерме химия, биология, география һәм физика укытучысы узды;
23 сәнгать, технология, ТИН һәм физик культура укытучысы өчен укулар Аксубайның 3нче урта мәктәбе базасында узды;
“Түбән сыйныф укучыларының функциональ грамоталыгы” блогында 2нче Аксубай урта мәктәбе мәйданчыгында 35 укытучы кирәкле белем алды.
Курслар дифференциацияләнгән якын килү нигезендә практик эшләрдән торды.
Оештыручылар фикеренчә, нәкъ менә укытуга дифференциацияләнгән якын килү укучыларда функциональ грамоталылык формалаштыруга ярдәм итә. Киләчәктә аларга көн саен үзгәреп торган дөньяда барлык тормыш бурычларын уңышлы хәл итәргә мөмкинлек бирәчәк.
Следите за самым важным и интересным в Telegram-каналеТатмедиа
Нет комментариев