Районда балалар иминлеге айлыгы тәмамланды

Мәгариф бүлеге методисты Юрий Мишин сүзләренә караганда, аның кысаларында чаралар гражданнар оборонасы, гадәттән тыш хәлләрне кисәтү һәм бетерү өлкәсендә Татарстан Республикасында төп чаралар планы, шулай ук янгын куркынычсызлыгы һәм 2023 елга су объектларында кешеләрнең куркынычсызлыгын тәэмин итү һәм ТР Мәгариф һәм фән министрлыгының «2020-2024 елларга Татарстан Республикасы гомуми белем бирү оешмаларында белем бирү предметын укыту концепциясен гамәлгә ашыру чаралары планын раслау турында»гы боерыгы нигезендә үткәрелде.

Күрсәтелгән барлык учреждениеләрдә чаралар үткәрү буенча норматив документлар басылып чыкты һәм педагогик коллективлар белән инструктажлар үткәрелде. Укучылар белән дә тематик инструктажлар үткәрелде. Аерым алганда, Юл хәрәкәте кагыйдәләрен бозуларны профилактикалау, янгын иминлеге, террорчылыкка каршы якланыш, су объектларында һәм массакүләм чаралар үткәргәндә куркынычсызлык буенча.

Ай дәвамында укучылар белән «Мәктәпкә куркынычсыз юл», «Юл законнары», «Теракт гамәле очрагында һәм табигый һәм техноген характердагы хәлләр килеп чыкканда үз-үзеңне тоту кагыйдәләре», «Торак биналарда янгын чыгу сәбәпләре. Янгын куркынычсызлыгын тәэмин итү» һәм башка темаларга сыйныф сәгатьләре һәм практик күнекмәләр үткәрелде.

Укучыларга гадәттән тыш хәлләр янаган очракта үз-үзеңне тоту белешмәлекләре, Мәктәптә һәм көнкүрештә үзеңне тоту кагыйдәләре таратылды.
Төрле хезмәтләр вәкилләре катнашында ата-аналар җыелышлары үтте.

1-5 сентябрь көннәрендә МЧС, ЮХИДИ һәм полиция хезмәткәрләре катнашында Бөтенроссия ТИН дәресләре үтте. Белем бирү учреждениеләрендә укучыларны һәм педагогик хезмәткәрләрне эвакуацияләү буенча өйрәнү чаралары оештырылды.

– Укучылар белән куркынычсызлыкка өйрәтү буенча эш уку елы дәвамында ТИН дәресләрендә, сыйныф сәгатьләрендә һәм дәрестән тыш чараларда дәвам итәчәк, – дип билгеләп үтте Юрий Мишин.

Фото: мәгариф бүлеге архивыннан.