Район мәктәпләрендә Кырымның Россия белән берләшүенә багышланган акция узды

В.Г. Тимирясов исемендәге һәм 2 нче Аксубай урта мәктәпләрендә, шулай ук Иске Тимошкино, Савгач, Иске Ибрай, Иске Мокшино урта мәктәпләрендә директорлар киңәшчеләре мәктәпләр активлары һәм беренче хәрәкәтләре вәкилләре белән берлектә, 18 март, Кырымның Россия белән кире кушылу көне алдыннан, тәрәзәләрне һәм фотозоналарны бизәү буенча акция оештырдылар.

Аксубайның 3нче, Сөнчәле, Иске Үзи урта мәктәпләрендә “Кырым һәм Россиянең яңадан берләшүе” дигән тарихи сәгать узды.

Укучылар чара барышында бу вакыйганың никадәр зур әһәмияткә ия булуын, 27 000 км мәйданлы, төньяктан Азов диңгезе юган Кара диңгез ярымутравының Россиягә ике тапкыр – 1783 елда, императрица Екатерина Икенче вакытында һәм 2014 елда Россия Федерациясе Президенты Владимир Путин вакытында кушылуы турында белделәр.

Кырымның тирәнлеге һәм конфигурациясе йөк судноларына да, хәрби флот су асты көймәләренә дә урнашырга мөмкинлек бирә торган ел әйләнәсе туңмый торган бухта булуын белделәр. Кырымга ия булу — ул бөтен Кара диңгез төбәгендә вәзгыятьне контрольләү, моңа уз вакытында төрекләр, аннары – французлар белән инглизләр, аннан соң немецлар омтылган.

Чарада катнашучылар шулай ук егерме ел элек булган вакыйгаларның, махсус хәрби операция көчләре сугышчыларының Кырым үзоборона вәкилләре белән берлектә ярымутрау территориясендә Украина хәрби көчләре частьләрен ничек блокировкалаулары турында сөйләделәр.

16 мартта Кырымның Россия белән кушылуы турында референдум узды, анда тавыш бирүчеләрнең 95% (85%ка якын кеше килгән) РФга керүне хуплады.

17 мартта Кырым бәйсез республика итеп игълан ителде.

18 мартта Кырым Россия Федерациясе составына керү турында килешү имзалады.