Район мәктәбендә бер атна эчендә ике мөһим чара узды

Яңа Дума төп мәктәбендә узган чаралар гражданлык-патриотик тәрбия кысаларында оештырылды. Ярышлар Ватанны саклаучылар көненә багышланды.

Атна 4-8 сыйныф укучылары арасында пневматик винтовкадан ату буенча ярышлардан башланды.

Иң яхшы атучылар булып Илназ Абраров, Лиана Муллина, Зәйнәп Гатауллина, Инзилә Закирова танылды.

Шулай ук Калашников автоматы макетын сүтү һәм җыю буенча ярышлар узды.

Спорт залында тантаналы шартларда укучылар беренчелек өчен көч сынаштылар.

Бу юлы Азамат Зәйдуллин, Илмир Маняпов Инзилә Закирова, Илназ Абраров, Венера Муллина, Лиана Сәгыйрова, Рузил Камалетдинов иң яхшылар булдылар.

– Хәрби-гамәли спорт төрләре укучыларны патриотик тәрбияләүдә һәм аларның шәхесләрен формалаштыруда үз ролен уйный. Алар шулай ук әйләнә-тирә дөнья турында күзаллауларын үзгәртәләр, хәрби бурычларын үтәү өчен кирәкле сыйфатларны һәм күнекмәләрне үстерүгә ярдәм итәләр, – ди мәктәп директоры Энҗе Хәйретдинова. – Шунысы да мөһим: ул ихтыяр көчен, үҗәтлекне арттыра һәм балаларга шатлык китерә. Хәтта бу да аларның физик һәм әхлакый формалашуы өчен мөһим.