Мәктәп лагерьларында файдалы һәм зарарлы гадәтләр турында фикер алыштылар

«Җәйге карусель» мәктәп яны лагеренда сәламәтлеккә багышланган көн узды. 

Ул, һәрвакыттагыча, иртәнге зарядкадан башланды, аның барышында балалар энергия һәм күтәренке кәеф алдылар. Аннары алар төрле төстәге бантиклы «хәзинә» таптылар. Аларны бер-берсенә сәламәтлек теләп бәйләделәр. 

Шуннан соң балаларга файдалы дару үләннәре турында видеоролик күрсәттеләр. 

«Файдалы һәм зарарлы гадәтләр» дигән бер сәгатьлек аралашу вакытында балалар төрле хәлләрне анализладылар һәм тикшерделәр, аның процессында «Сәламәт булу өчен, нәрсә кирәк...» дигән белешмә төзеделәр. 

Аксубайның 2 нче урта мәктәбенең мәктәп яны лагеренда сәламәт яшәү рәвеше кысаларында “Күңелле стартлар” чарасы узды. Отрядлар спорт уеннарында һәм эстафеталарда энтузиазм белән катнаштылар, көч, җитезлек күрсәттеләр. Ләкин иң мөһиме шунда ки, алар, зирәклек һәм оешканлык күрсәтеп, үз иптәшләренә вакытында ярдәмгә килделәр. 

Иске Ильдеряк урта мәктәбендә бу көнне Рекордлар көне узды. Рекордларны балалар гомумлагерь Спартакиадасы вакытында куйдылар. 

Инструктаж кысаларында куркынычсызлык кагыйдәләре буенча куркынычсызлык һәм сәламәтлек минутлары уздырдылар (зарарлы һәм файдалы ризык турында әңгәмә). 

Спартакиадада шулай ук шашка һәм шахмат турнирлары оештырылды. 

Рекордлар көне ачык һавада хәрәкәтчән уеннар белән тәмамланды.