Мәктәп яны лагеренда көн балчык белән иҗат итүгә багышланды

Аксубайның 3 нче урта мәктәбенең мәктәп яны лагеренда көнне ял итүче балаларның иҗади фантазиясен һәм иҗади сәләтләрен үстерүгә багышладылар.

Җәйге каникуллар – баланың иҗади сәләтләрен үстерү һәм аларның индивидуаль мәнфәгатьләрен һәм ихтыяҗларын канәгатьләндерү өчен менә дигән чор. Һәм бу балалар тормышларын кызыклы танышулар, файдалы мавыгулар һәм шөгыльләр белән тулыландыра ала торган вакыт.

Җирле сынчы Андрей Бикмуллин аларга балчык белән эшләү буенча киңәшләр бирде, шулай ук агач белән эшләү техникасын күрсәтте. Алар моңарчы күз алдына да китерә алмаган бик күп кызыклы нәрсәләр турында белделәр, бәлки, бу аларның тормышында яңа максат барлыкка китерер.