«Мәктәп чисталык кубогы» республика проекты тәмамланды

Составында Зәринә Гыйльметдинова, Ксения Комарова, Зәринә Фатушова һәм Азалия Фатушова булган команда Татарстанның 37 районыннан 54 команда катнашучылары белән көч сынашты.

Финалга чыккан командалар турнирның ике этабын узды: “Чиста уеннар” форматында шимбә өмәләре һәм “Башка эш” платформасында онлайн-марафон. Проектның финал этабы экологик квиз булды.

Кызлар призлы урыннарны алмасалар да, күңелләрен төшермиләр.

– Иң мөһиме – катнашу, – диләр мәктәп активистлары. – Бу үз көчеңне сынап карарга, үсәргә һәм алга барырга мөмкинлек бирә.

Фото: Аксубайның 3 нче мәктәбе архивыннан.