Бөркетләр янына бәйрәмгә әтиләре килде

Бөтен ил буйлап узучы бердәм гамәлләр көннәре кысаларында район мәктәпләрендә һәм техникумда Әтиләр көненә багышланган очрашулар оештырыла.

Башлангыч сыйныф укучылары – Аксубай 2нче мәктәбе Бөркетләре янына кунакка бөтен эш-гамәлләрдә дә герой булган әтиләре килде. Әтиләр буш вакытта үз балалары белән уртак эшләре, мавыгулары турында сөйләделәр, балаларның сорауларына җавап бирделәр.

Балалар мөхтәрәм кунакларны бәйрәм белән котладылар һәм, үсеп, Ватанга файда китерү өчен тырышып укырга вәгъдә бирделәр. Әти – теләсә нинди бәла-казадан саклый торган кеше ул! – дип шигырьләр укыдылар.