Бистә мәктәбендә экстремизмга каршы тору айлыгы кысаларында акция узды

Өлкән сыйныф укучылары, Беренчеләр хәрәкәте һәм Форпост активистлары ДПС һәм БДД инспекторлары белән берлектә җәмгыятьтә куркынычсызлыкка аңлы мөнәсәбәтнең мөһимлеген ассызыклап, магнитлар һәм мәгълүмати белешмәлекләр тараттылар.

– Җәмгыятьтә куркынычсызлык, ул шулай ук Юл йөрү кагыйдәләрен үтәү дә, – дип ассызыклады БДДның профилактика бүлеге җитәкчесе Гөлфия Гыймалетдинова. – Шуңа күрә машина йөртүчеләрнең һәм җәяүлеләрнең игътибарын юл хәрәкәте кагыйдәләрен үтәүгә юнәлтү мөһим. Моның белән сез, балалар, бөтен кеше өчен куркынычсызрак мохит булдыруга ярдәм итәсез.

«Игътибар – балалар!» бөтенроссия акциясе кысаларында чарада яшь юл хәрәкәте инспекторларына фликерлар – Татарстан Республикасы Мәгариф һәм фән министрлыгыннан яктылык кайтаргыч полосалар белән жилетлар тапшыру оештырылды.