Бер мәктәпнең өч укучысы район бәйгесе дипломнарына лаек булдылар

Өченче чирек башы районның әлеге гомумбелем бирү мәктәбе өчен Гаилә елына багышланган бәйгедә катнашу белән истәлекле булды.

«Ватан нәрсәдән башлана» дип исемләнгән нәфис сүз бәйгесендә Ватанга багышланган шигырьләр яңгырады. Чөнки гаилә һәм Ватан – аерылгысыз төшенчәләр.
Яңа Дума төп мәктәбен бәйгедә Инзилә Закирова, Мәликә Гафиятова һәм Алия Вәлиуллина тәкъдим итте. Алар барысы да туган мәктәпләренә дипломнар белән кайттылар.

Фото: Яңа Дума мәктәбе архивыннан.