Авыл мәктәбенең казанышлар җыелмасы тагын бер бүләк белән тулыланды

«Суда һәм бозда уяу булачакмын» дигән республика бәйгесе кышкы чорда сулыкларда балалар катнашында бәхетсезлек очракларын профилактикалауны һәм булдырмауны күздә тота.

– Алда торган кышкы каникуллар вакытында балаларның куркынычсызлыгы – иң мөһим бурычларның берсе, – дип сөйли беренче сыйныфлар укытучысы Татьяна Чубурова. – Ел саен үткәрелә торган бәйгенең бурычы – боз кату чорында сулыкларда хәвефсез тәртип кагыйдәләренә һәм, әлбәттә, очраклы рәвештә бозлы суга төшеп киткән кешегә беренче ярдәм күрсәтү ысулларына өйрәтү. Тиешле ролик булдыру процессында без балалар белән гади ярдәм күрсәтү алымнарын өйрәндек һәм аларның тырышлыгы бүләкләнде. Бу, әлбәттә, балаларны яңа бәйгеләрдә катнашуга рухландыра, канатландыра.