Авыл мәктәбе балалары өйдән мәктәпкә кадәр маршрутны билгеләделәр

Яңа Тимошкино мәктәбендә яшь юл хәрәкәте инспекторларына кабул итү тантанасы Бердәм куркынычсыз юл хәрәкәте көне кысаларында узды.

Яшь инспектор антын бирү тантанасы алдыннан балалар юл йөрү кагыйдәләрен белүгә сынау уздылар. Биремнәрне барысы да уңышлы үтте, аннары тантаналы рәвештә мәктәпкә бару юлында Юл хәрәкәте кагыйдәләрен үтәргә вәгъдә бирделәр. Аларны үзләре үтәп кенә калмыйча, башкалар өчен өлге булырга да сүз бирделәр.

Балалар – хәзер инде «Светофорик» отряды әгъзалары сыйныф җитәкчесе белән бергә өйдән мәктәпкә кадәр куркынычсыз маршрут схемасын төзеделәр һәм аны көндәлеккә керттеләр.