Аксубай районы мәктәпләрендә танып белү сәгате Чернобыль фаҗигасенә багышланды
Иске Мокшино урта мәктәбендә XX гасырның иң зур техноген катастрофаларының берсенә багышланган чара узды.
ТИН укытучысы Ф. Гайнуллин 1986 елның 26 апреленә каршы төндә Чернобыль атом станциясендә булган фаҗига турында видеоролик презентациясе үткәрде.
Шул ук вакытта педагог укучыларның игътибарын Совет Армиясе хәрбиләренең авария нәтиҗәләрен бетерү чорында күрсәткән батырлыкларына юнәлтте. Андый хәл кабатланмаска тиеш, диделәр балалар.
Иске Тимошкино урта мәктәбендә “Чернобыль фаҗигасе һәм бәласы” мәгълүмат сәгате вакытында “Чернобыль” документаль фильмы күрсәтелде. Укучылар атом энергетикасы тарихында иң зур авариянең сәбәпләре, тикшеренүләре һәм нәтиҗәләре турында белделәр.
Балалар: Чернобыль — бу бик кыйммәт түләргә туры килгән сабак, әмма киләчәктә аларны кабатламас өчен үткәндәге хаталарны истә тотарга кирәк, дигән нәтиҗәгә килделәр.
Фото: tatar-inform.ru
Следите за самым важным и интересным в Telegram-каналеТатмедиа
Нет комментариев