Аксубай районы мәктәпләре укучыларын гадәттән тыш хәлләрдә эш итү тәртибенә өйрәттеләр

Бу максатларда мәктәпләрдә профилактик эшнең төрле формалары кулланыла, чөнки бу безнең балаларыбызның гомеренә бәйле.

Барлык гомуми белем бирү учреждениеләрендә, әләмнәр күтәргәннән соң һәм гимннар башкарылганнан соң, директорлар киңәшчеләре җитәкчелегендә мәгълүмати дәресләр, укучыларны эш итү алгоритмнарына (тәртибенә) һәм гадәттән тыш хәлләргә өйрәтү буенча әңгәмәләр үткәрелде.

Укучыларга куркынычсызлык кагыйдәләре, билгеле бер хәлдә үзләрен ничек тотарга кирәклеге турында гомуми мәгълүмат бирелде. Дәресләр әңгәмә формасында узды, терактларның һәм шартлау куркынычы янаган әйберләрне табуның шартлы мизгелләре уйналды.

АТУТ студентларына террорчылыкның куркынычлыгы һәм кораллы кешеләр һөҗүме очрагында үзләрен ничек тотарга кирәклеге турында Россия ЭЭМның ТР Аксубай районы буенча бүлеге җитәкчесе Илгиз Алмакаев һәм балигъ булмаганнар арасында гаилә уңышсызлыгын һәм хокук бозуларны профилактикалау буенча инспектор Фоат Абдуллин сөйләде.

Иске Ильдеряк мәктәбендә 5-7 сыйныф укучылары белән информация сәгате үткәрелде. Беслан һәм Норд-Ост шәһәрләрендәге канлы вакыйгалар турында сөйләүдән тыш, укучыларга Казан мәктәбендәге террорчылык акты һәм Крокус-Ситидагы соңгы фаҗига турында сөйләделәр.

Иске Ибрай һәм Иске Үзи мәктәпләрендә террорчылык килеп чыгу һәм шикле предметларны табу кебек куркыныч ситуацияләрдә укучыларның үз-үзләрен тотышлары уйнатылды.

Чарага күргәзмә әзерләнгән иде, аның мәгълүмати материаллары балаларга террорчылыкның аяусызлыгы нәтиҗәләрен күрергә мөмкинлек бирде.

Укучыларга «Терроризм – җәмгыятькә куркыныч» дигән белешмәлекләр таратылды, аларда террорчылык куркынычы янаганда эш итү тәртибе, шартлаткыч җайланма табылганда нәрсә эшләргә кирәклеге турында мәгълүмат бирелгән.

Аксубай урта мәктәпләрендә укучыларның игътибарын уяу булу кирәклегенә юнәлттеләр, шулай ук теракт шартларында үз-үзеңне тотуның төп кагыйдәләре һәм мәктәпкә кораллы һөҗүм вакытында һәм аларны тоткын итеп алганда кирәкле гамәлләр белән таныштырдылар.

Укучыларга террорчылыкның нәрсә икәне һәм аның нинди нәтиҗәләр китерүе турында сөйләделәр. Барлык мәктәпләрдә дә Крокус-Сити холлда булган соңгы вакыйгалар темасы төрле дәрәҗәдә күтәрелде.