Аксубаево
  • Рус Тат
  • Татарстанда участок мастеры фермада төзелеш эшләре вакытында һәлак булган

    «Төзелеш эшләре алып барган вакытта куркынычсызлык кагыйдәләрен бозу» маддәсе буенча җинаять эше кузгатылган.

    Фаҗига кичә иртән Актаныш районының Чишмә авылында булган. Россия Тикшерү комитетының ТР буенча идарәсе җитәкчесенең өлкән ярдәмчесе Андрей Шептицкий «Татар-информ» агентлыгына хәбәр иткәнчә, фермада төзелеш эшләре алып барган вакытта 50 яшьлек участок мастеры һәлак булган.

    Ачыкланганча, ул ферманың нигезе өчен казылган канауга төшеп, анда эшчеләргә тиешле күрсәтмәләр биргән. Шуннан соң өскә күтәрелгән вакытта ычкынып китеп, бетон түшәлгән канауга егылып төшкән. Алган җәрәхәтләрдән ир-ат хастаханәдә үлгән.

    Шунысын да искәртик: мастерның башында каскасы булмаган, аягына сланцы кигән, канауда исә өскә менү өчен баскыч куелмаган булган.

    «Төзелеш эшләре алып барган вакытта куркынычсызлык кагыйдәләрен бозу» маддәсе буенча җинаять эше кузгатылган.

     

     

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: