Аксубаево
  • Рус Тат
  • Минзәлә янындагы трассада булган юл-транспорт һәлакәтендә зыян күрүчеләр бар

    Һәлакәткә бәйле рәвештә юлда хәрәкәтне япканнар, урында ЮХИДИ хезмәткәрләре эшли.

    Минзәлә янындагы трассада күпләп юл-транспорт һәлакәте булган, зыян күрүчеләр дә бар. 

    Авария шаһитлары хәбәр итүенчә, бүген иртән М7 трассасында Минзәлә янында күпләп юл-транспорт һәлакәте булган. Анда ике фура һәм дүрт җиңел машина бәрелешкән.

    Шаһитлар сүзенә караганда, һәлакәттә бер кеше зыян күргән.

    «Волго-Вятскуправтодор» оешмасы матбугат хезмәтендә әйтүләренчә, юлның бу участогында юл-транспорт һәлакәте аркасында хәрәкәтне туктатканнар. Һәлакәт урынында ЮХИДИ хезмәткәрләре эшли.

    Хәзерге вакытта Уфа ягына хәрәкәт торгызылган, ә Мәскәү ягына реверсив хәрәкәт оештырылган. Зыян күргән автомобильләрне машиналар йөрү өлешеннән алып киткәннән соң, хәрәкәт тулы күләмдә торгызылачак.

     

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: