Мамадыш районында трассада автомобиль әйләнеп капланган

Мамадыш районында трассада бер автомобиль әйләнеп капланган. Социаль челтәрләрдән файдаланучылар вакыйга урыныннан кадрлар белән бүлеште.

Шаһитлар мәгълүматларына караганда, авария «Яшел тукталыш» ял мәйданчыгы янында бүген иртәнге сигезләр тирәсендә булган.

Кадрларда җиңел автомобильнең юлда түбәсенә әйләнеп каплануы күренә. Урында махсус хезмәтләр хезмәткәрләре эшли.

Юл-транспорт һәлакәтендә зыян күрүчеләр һәм авария сәбәпләре турында мәгълүмат ачыклана.
 

Чыганак: tatar-inform.tatar