Аксубаево
  • Рус Тат
  • Чаллыда бер ир-ат төнлә су коенганда батып үлгән

    Ир-атның мәете ярдан ун метр ераклыкта 2,5 метр тирәнлектә табылган.

    Чаллыда бер ир-ат төнлә су коенганда батып үлгән. Бу хакта Россия Гадәттән тыш хәлләр министрлыгының Татарстан буенча баш идарәсе матбугат хезмәтендә сөйләделәр.  

    Бүген иртәнге дүртләр тирәсендә 112 бердәм номерына Чаллыда «Үзәк» пляжда бер ир-атның батуы турында хәбәр итәләр. Шаһитләр хәбәр иткәнчә, ир-ат су коенырга кергән, ярдан 10 метр ераклыкта йөзеп киткән, ә соңыннан күздән югалган.

    Урынга № 6 эзләү-коткару коткаручылары, ашыгыч ярдәм табиблары һәм полиция хезмәткәрләре килгән. Трал ярдәмендә Мәләкәс елгасы акваториясенең 500 квадрат метр мәйданын тикшерәләр. 5:20 сәгатьтә ярдан ун метр ераклыкта, 2,5 метр тирәнлектә ир-атның мәетен табалар.  

    Һәлак булган ир-атны ярга алып чыгалар һәм полиция хезмәткәрләренә тапшыралар. Ир-атның шәхесе ачыклана. 

     

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: