Аксубаево
  • Рус Тат
  • Аксубай районында ир-ат авылдашлары күз алдында суга батып үлгән

    36 яшьлек ир-атның гәүдәсе ярдан кырык метр ераклыкта табыла һәм коры җиргә чыгарыла.

    Ир авылдашларының күз алдында батып үлгән. Бу хакта «Татар-информ» мәгълүмат агентлыгына ТР буенча Россия МЧСның Баш идарәсе матбугат хезмәтендә сөйләделәр. 20:26 сәгатьтә ашыгыч хезмәтләрне бердәм чакыру номерына республиканың Аксубай районы Карасу авылы буасында ир-ат батып үлүе турында хәбәр килә.

    Ачыкланганча, авыл кешеләре иске йортны сүтәләр. Кич белән эштән соң алар хәмер кулланалар һәм балык тотарга китәләр. Ир-атларның берсе су коенып чыгам да, өйгә кайтып китәм, дип әйтә. Шуннан соң ул 10 метр йөзеп барып, су астына киткән.

    Иртәнге сәгать унберләр тирәсендә 36 яшьлек ир-атның мәетен ярдан 40 метр ераклыкта тапканнар. Мәрхүмне коры җиргә алып чыгып, полиция хезмәткәрләренә тапшырганнар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: