Аксубаево
  • Рус Тат
  • Ветеранга – 91 яшь

    Район җитәкчелеге сугыш ветераннарының көндәлек тормышын һәм аларның бәйрәмнәрен күз уңыннан төшереп калдырмый, күптән түгел район башлыгы Камил Гилманов Аксубайда яшәүче Елисей Мурзич Тимирясов янына дусларча визит белән барды. Елисей Тимирясов 1942 елның апрелендә фронтка чакырыла, шунда Казан танк училищесына укырга керә. Корсунь-Шевченко операциясендә, Яссо-Кишенев операцияләрендә катнаша. I дәрәҗәдәге Ватан...

    Район җитәкчелеге сугыш ветераннарының көндәлек тормышын һәм аларның бәйрәмнәрен күз уңыннан төшереп калдырмый, күптән түгел район башлыгы Камил Гилманов Аксубайда яшәүче Елисей Мурзич Тимирясов янына дусларча визит белән барды.


    Елисей Тимирясов 1942 елның апрелендә фронтка чакырыла, шунда Казан танк училищесына укырга керә. Корсунь-Шевченко операциясендә, Яссо-Кишенев операцияләрендә катнаша. I дәрәҗәдәге Ватан сугышы ордены, Кызыл Йолдыз ордены, хәрби медальләр белән бүләкләнә.

    Елисей Мурзич төрле елларда физика һәм математика, хәрби дәресләр, тарих укыткан,уку-укыту мөдире булган, сигезьеллык мәктәпне җитәкләгән. Күпъеллык хезмәте өчен "Халык мәгарифе алдынгысы" күкрәк билгесе белән бүләкләнә.
    - Елисей Мурзич - ихтирамга лаек кеше, сугыш ветераны. Без аның әллә ничә буын аксубайлыларны тәрбияләүгә һәм яшьләргә патриотик тәрбия бирүгә керткән өлешен бик олылыйбыз, - дип билгеләп үтте Камил Гилманов. - Сезне туган көнегез белән котлыйбыз, сезгә күп еллар дәвамында сәламәтлек телибез.

    Елисей Мурзичны уллары Борис һәм Николай да котлады. Алар үзләренең эш белән мәшгуль булуларына карамастан, ветеранны кайгыртып, тәрбияләп торалар.
    Фронтовик үзе район тормышы һәм үсеше белән һәрдаим кызыксынып тора.

    - Район газетасының чираттагы санын түземсезлек белән көтеп алам, - дип сөйли Елисей Мурзич, - әйләнә-тирәдәге күңелле үзгәрешләргә шатланам, спортчылар һәм укытучылар ирешкән уңышлар, обелискларны яңарту турындагы мәкаләләрне бик теләп укый.
    Котлауларга Елисей Мурзич белән озак еллар элемтәдә торган редакция коллективы да кушыла, безнең лаеклы газета укучыбызга озын гомер тели.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: