Аксубаево
  • Рус Тат
  • ТР агрокомплекс министры исеменнән бүләк тапшырылды

    Авыл хуҗалыгы идарәсе ветераны Сәлимҗан Сәйфетдиновның 75 еллык юбилее уңаеннан күңелле вакыйга булды – аңа Татарстан Республикасы авыл хуҗалыгы һәм азык-төлек министры исеменнән Рәхмәт хаты тапшырылды.

    Район авыл хуҗалыгы һәм азык-төлек идарәсеннән делегациясе ветеранга иртә белән бүләкләр, чәчәкләр, рәсми котлаулар белән килде. Район авыл хуҗалыгы идарәсе җитәкчесе Борис Соломонов тантана сәбәпчесе Сәлимҗан Хәсәнҗан улын юбилее белән җылы котлады һәм республиканың агросәнәгать комплексы җитәкчесе исеменнән Рәхмәт хаты тапшырды.

    – Идарә коллективы Сезнең турыда, район үсешенә керткән өлешегез турында онытмый, – диде ул. – Сезгә чын күңелдән сәламәтлек, бәхет, бетмәс-төкәнмәс көч һәм энергия телибез.

    Ветеранны 75 яшьлек юбилее белән авыл хуҗалыгы идарәсенең кадрлар бүлеге җитәкчесе Гөлнур Кәлимуллина да ихлас котлады.

    Сәлимҗан Хәсәнҗан улы ярты гасыр гомерен авыл хуҗалыгына багышлаган. Хезмәт юлын бик яшьли – 1960 елда Вахитов исемендәге колхозда төрле эшләрдә эшләп башлый. Армиядә хезмәт итеп кайта, шофер, аннан комплекслы бригада бригадиры булып эшли, Казан авыл хуҗалыгы институтында югары белем ала. Гыйлемле белгеч буларак, аны җитәкче урыннарга тәкъдим итәләр: партоешма секретаре, колхоз рәисе, хәзерләүләр буенча инспекция җитәкчесе. Соңгы 7 елда район авыл хуҗалыгы җитәкчесе урынбасары булып эшли. Бу вакытка инде ул авыл хуҗалыгы тармагында 40 еллык хезмәт стажына ия була.

    Авыл хуҗалыгы идарәсе җитәкчесе урынбасары район авыл хуҗалыгы предприятиеләрендә игенчелек һәм терлекчелек продукциясе җитештерү һәм аның сыйфаты, авыл хуҗалыгы товарлары һәм чимал әзерләүнең контракт системасын камилләштерү буенча эшне координацияли.

    Ул елларда авыл хуҗалыгында тенденцияләр, тормыш рәвеше бөтенләй башкача булган.

    – Мин Вахитов исемендәге колхозда бригадир булып эшләгәннән бирле, бүгенге көнгә кадәр – иртәнге биштә аяк өстендә. Ул чакта шулай кирәк иде – авыл хуҗалыгында эшләү шундый тәртип таләп итте, – дип сөйли ветеран. – Без, барлык мөмкинлекләрдән файдаланып, тулы көчкә хезмәт куйдык.

    Бу елларда Сәлимҗан Хәсәнҗан улы өчен хатыны Фәния Минсәлих кызы ышанычлы тыл була. Алар 53 ел бергә. Сәйфетдиновлар ике ул һәм кыз тәрбияләп үстергәннәр, дүрт оныклары бар. Алар хуҗалыкта, өй эшләрендә бер-берсенә ярдәм итеп, балалары һәм оныклары белән очрашуларга сөенеп, матур гомер кичерәләр.

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: