Кешеләр һәм язмышлар
Солдат сугышны сайламый
Иске Савруш китапханәсендә ветераннар белән очрашу оештырдылар. Патриотик айлык кысаларында районда күпсанлы чаралар үтә. Иске Савруш китапханәсендә узган "Солдат сугышны сайламый" чарасы да Совет гаскәрләрен Әфганстан җиреннән чыгаруның 29 еллыгына багышланды. Очрашуга Иске Савруш төп мәктәбенең өлкән сыйныф укучыларын, сугышчы-интернационалистларны һәм ГСВГ ветераннарын чакырдылар. Китапханәче Ирина Егорова "Әфганстан минем күңелемдә...
Иске Савруш китапханәсендә ветераннар белән очрашу оештырдылар.
Патриотик айлык кысаларында районда күпсанлы чаралар үтә. Иске Савруш китапханәсендә узган "Солдат сугышны сайламый" чарасы да Совет гаскәрләрен Әфганстан җиреннән чыгаруның 29 еллыгына багышланды. Очрашуга Иске Савруш төп мәктәбенең өлкән сыйныф укучыларын, сугышчы-интернационалистларны һәм ГСВГ ветераннарын чакырдылар. Китапханәче Ирина Егорова "Әфганстан минем күңелемдә яши" мәгълүмати һәм китаплар күргәзмәсе оештырган.
Очрашуда катнашучылар сугышчы-әфганчы Вадим Иванов, СВГ ветераннары - Федор Семенов, Руслан Терегулов, Сергей Касьянов Владимир Егоров, Анатолий Васильев, В. Яковлев, Николай Иванов үзләренең сугышчан хезмәтләре турында - Совет бүлекчәләренең дошман бандаларына каршы көрәшүләре, чыныгу сынауларының кая уздырылуы, хәрби ярдәм һәм Германиядә үзләренең хәрби бурычларын үтәгән совет гаскәрләре төркеме турында сөйләделәр.
Балалар геройларның сөйләгәннәрен тыңлап таң калдылар. Алар үзләрен кызыксындырган сорауларны бирделәр һәм аларга җаваплар алдылар. Очрашу ГСВГ ветераннарыннан котлау номеры белән тәмамланды.
Следите за самым важным и интересным в Telegram-каналеТатмедиа
Нет комментариев