Күңеле белән романтик булса да, тормышта җитди

Әмма бүген аңа 70 яшь тулуына кем ышаныр икән? Ул җиңел кеше буларак, баш мөхәррир командасы буенча теләсә кайсы вакытта юлга чыгарга әзер.  Ачык карашлы, белемле Владимир Николаевичны редакция коллективында беркем дә өлкән яшьтәге кеше буларак кабул итми.

КПСС район комитетының пропаганда һәм агитация бүлеге инструкторы, Аксубай бистә советы рәисе, КБО, район финанс бүлеге җитәкчесе... Һәм – редакция шоферы. Кемдер моны аңламаска да мөмкин. Мондый хезмәт исемлегеннән соң – машина йөртүчеме? Тик безнең хезмәттәшебезне яхшы белүчеләр җавап итеп көлемсер әп кенә куярга мөмкин. Владимир Черниковны һәрвакыт шартлардан иреклелек аерып торды.

– Карьера минем өчен беркайчан да мөһим булмады, – ди Владимир Николаевич. – Түрәләргә, вазыйфаларга һәм югары яклаучыларга караганда күпкә лаеклырак игътибар бар. Бу – безнең тормыш. Һәм мин һәрвакыт яшәргә һәм, әлбәттә инде, кәнәфи биләп кенә калмыйча, эшемне тиешенчә башкарырга тырыштым. Кешенең билгеләнеше нидә? Балалар, аннары оныклар үстерү, карт әти-әниләр турында кайгырту. Улым Владимирның нарасыен кулыма алганда, миннән дә бәхетле кеше юк иде. Менә шул! Бүгенге эшемә килгәндә, мин хезмәт юлын машина йөртүче булып башладым һәм бүген тагын шундый мөмкинлек бар. Руль миңа ирек хисе бирә һәм шул мине бәхетле итә.

Тик дуслары һәм якыннары тормышта җитди кеше булган Владимир Черниковның күңеле белән романтик булып калуын беләләр. Нәкъ менә ерак юллар романтикасы аны вакытлы хезмәттән соң башта Братск төзелешенә, ә соңрак ерак Якутиягә кече БАМ төзелешенә чакыра.

Ә армиягә кадәр ул, Ульяновск политехника уку йорты шәкерте була, парашют белән 87 тапкыр сикереш ясый. Бу инде зәңгәр күк романтикасы. Якутиядә исә, Нерюнгрида, «Магирус» үзбушаткыч йөртүчесе Владимир Черников социаль ярыш отличнигы дип таныла һәм транспорт министрлыгының күкрәк билгесенә лаек була.

Аксубайлылар хәтерендә “Безнең ишегалды, безнең йорт, аның турында безгә кайгыртырга кирәк” дигән шигарь астында, йорт подъездларын энтузиазм белән буяп, агартып, тирәләрен җыештырып йөргәндә уртак шатлык мизгелләре калгандыр дип уйлыйм.

Өмәләр тәмамланганнан соң, уртак корылган табын артында хөрмәтле кунак – бистә мэры һәм әлеге чараларны оештыручы Владимир Черников була. Үз ихтыяры белән түгел, ә КПСС райкомы карары буенча билгеләнгән КБО җитәкчесе вазыйфасында Владимир Черников кыска гына вакыт эчендә дә югары табыш китерә алган. Кышын да хезмәткәрләрне ике атналык түләүле ялга җибәрә, биш хезмәткәргә «Аспект» РПУ йорт төзеп бирә.

Республика халкына көнкүреш хезмәте күрсәтү министры Евгений Богачев ул вакытта Черников тәҗрибәсен башкаларга да таратырга тәкъдим итә. Владимир Николаевич КБО җитәкчесеннән соң, район финанс бүлеге рәисе вазифасына эшкә килгәч, 2005 елда «Россия финанс хезмәте отличнигы» исеменә лаек була.

–Шулай да БАМ тормышымдагы иң бәхетле чорларның берсе булып калды, – ди Владимир Николаевич. – БАМда улым Иван туды, без яшь һәм ирекле идек. Хисләрдә, гамәлләрдә, эшләрдә ирекле. Төзелеш атмосферасы да, Төньяк киңлекләре дә моңа ярдәм итте... Без БАМның беренче төзүчеләре арасында булдык, һәм моның белән мин бүген дә горурланам.