Аксубаево
  • Рус Тат
  • Күңел белән яшь булырга

    Анатолий Андреев – районда һәм аның чикләрендә танылган шәхес.

    Ул – Иске Үзи авылы урта мәктәбен җитәкләүгә 20 елын багышлаган педагогика ветераны, уннарча, йөзләрчә элеккеге укучылары өчен яраткан укытучы һәм директор.

    Күптән түгел аңа 90 яшь тулды. Аның гаиләсе, элеккеге хезмәттәшләре һәм укучылары өчен бу юбилей көне бәйрәмгә әверелде. Ветеранны котларга район вәкилләре дә килде.

    – Хөрмәтле Анатолий Макарович! Район җитәкчелеге исеменнән район мәгариф үсешенә керткән өлешегез өчен рәхмәтемне белдерәм, – дип мөрәҗәгать итте бәйрәм гаеплесенә район башкарма комитеты җитәкчесе урынбасары Сергей Александров. – Мәгариф тармагы үсешенә керткән өлешегез бәяләп бетергесез. Чын күңелдән Сезне юбилеегыз белән котлыйм!

    Сергей Александров РФ Президенты Владимир Путинның котлау хатын укыды, чәчәкләр бәйләме, күчтәнәчләр һәм бүләкләр тапшырды.

    “Нежность“ КЦОН директоры Тәнзилә Габдрахманова, Иске Үзи авыл җирлеге башлыгы Надежда Айдова да ветеранны юбилее белән тәбрик иттеләр. Иске Үзи урта мәктәбе директоры Любовь Гаврилова мәктәп ветеранына район мәгариф бүлегеннән Рәхмәт хаты тапшырды, исәнлек-саулык һәм озын гомер теләде.

    – Җитәкчелек итү дәверендә сез мәктәп өчен күпне эшләдегез, – дип белдерде ул. – Һәм без, педагоглар, көндәлек эшебездә сезнең буын булдырган барысын да артырырга тырышабыз.

    Мәктәп укытучысы Борис Захаров Иске Үзи урта мәктәбендә бергә эшләүләрен искә алды.

    – Безнең мәктәп – районда иң яхшы мәктәпләрнең берсе булуына сөенеп туя алмыйм, – дип белдерде юбиляр. – Һәм барысына да изге теләкләре, эшемне югары бәяләүләре өчен рәхмәтлемен.

    Еллар картайтса да, күңеле белән яшь әле ул. Олы яшьтә дә Анатолий Макаровичның хәтере яхшы. Үткән вакыйгаларны кичә булган сыман хәтерли. Ул Иске Үзи авылында туып үсә. Сугыш елларында бөртеклеләр участокларын утый, терлекләрне көтүдә йөртә, икмәк ура.

    Әтисе һәм абыйсы фронтка китә, әнисе һәм апасы каты авырый (аннан соң вафат булалар) – шуңа күрә ул Аксубай педучилищесын тәмамлый алмый. Егетне колхозга хисапчы итеп кабул итәләр.

    Сугыштан соң, армиядә хезмәт итеп кайтканнан соң гына, авылда тормыш яхшыра башлагач укуын дәвам итә. Партия линиясе буенча менә, педучилищены, аннары Казан педагогика институтының тарих факультетын тәмамлый. 1964 елдан Иске Үзи мәктәбен җитәкли.

    Нинди генә авырлыклар булмасын, Анатолий Макарович җитәкчелегендә авыл халкы яңа мәктәп бинасын төзи, мәгариф учреждениесенең тышкы ягын үзгәртә. Директор яңа җиһазлар, уку материаллары белән проблемаларны чишә. Үзгәрешләр авыл балаларының уку шартларын яхшырта.

    Тормыш иптәше Мария Федоровна белән өч ул һәм ике кыз тәрбияләп үстерәләр. Балалары – укытучы-әти-әниләренең горурлыгы. Аларның өчесе – Александр, Алевтина һәм Анна укытучы династиясен дәвам итәләр. Анатолий һәм Алексей техник белем алалар.

    Бүген балалары һәм оныклары игътибарын тоеп яши ул. Алар якын кешеләре өчен иң яхшы шартлар булдыралар һәм аның белән уздырган һәр сәгатьнең кадерен беләләр.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: