Барысы да алда әле

Радик Хәмитов-"Вамин-Аксу" агрофирмасында иген ташучы шоферларның иң яхшыларыннан берсе.

Ун еллык эш тәҗрибәсе булган Радик менә ике ел инде "Восход" бүлекчәсендә эшли. Эшләү чорында яхшы күрсәткечләргә ия булды.
Җор күңелле, аралашучан, максатчан кеше буларак, ул үз эшенә җаны-тәне белән бирелгән, шуңа коллегалары тарафыннан да, агрофирма җитәкчеләреннән дә аның турында бары тик җылы сүзләр генә ишетәсең. Хәзер ул кырдан иген ташыса, кышын барда ташуда хезмәт куя, язын Менделеевскидан ашлама кайтара.
Бүгенге хезмәт уңышлары сөендерерлек булса да, Радик Хәмитов киләчәктә тагы да югарырак үрләр яулар әле.