Бар эштә дә уңган

Бу көнне һәркем юбиляр адресына җылы сүзләр әйтергә ашыкты.Евдокия Мурзовнаны тәбрикләргә балалары һәм оныклары, нәселдәшләре  кайткан иде.
-  Безнең әни бар нәрсәгә дә оста. Аның гомере хезмәттә үтте.Хәзер дә, Аллага шөкер, ул аягында. Әнинең хәтере бик яхшы, элек  булганны да онытмый, – ди улы.

Евдокия Мурзовна кечкенәдән басуда эшли һәм хәтта атлар белән җир дә сөрә. 18 яшьлек кыз сугыш вакытында Енисейга төзелеш эшләренә җибәрелә. Ике елдан соң ул Рәхмәт хаты һәм «Фидакарь хезмәт өчен» медале белән бүләкләнә.

Соңрак Чистай һәм Әлмәт шәһәрләрендә төзелештә катнашкан. Туган авылына кайткач, авыл мәктәбендә җыештыручы булып эшли, ул идән юып кына калмый, ә кышын сыйныф бүлмәләрен җылыту урманда утын әзерли. Соңрак колхозда төрле эштә эшли.

- Дуңгыз фермасында да эшләргә туры килде, басуда чөгендер эшкәртергә туры килде. Элек аны кул белән алдык, ә хәзер барысы да тракторлар белән эшләнә, – дип гаҗәпләнә туган көнен билгеләп үтүче.

 Юбилярга район башлыгы урынбасары Илшат Заһидуллин, социаль яклау бүлеге җитәкчесе Елена Зайцева, авыл җирлеге башлыгы Валерий Николаев, РФ Президентыннан котлау открыткасы һәм район башлыгы исеменнән  бүләкләр тапшырдылар. Евдокия Мурзовнага намуслы хезмәте һәм тормыш ныклыгы өчен рәхмәт белдереп,сәламәтлек, күңел җылысы һәм иминлек теләделәр.