Шәһәрне макта, авылда тор

Районда инвесторлар ярдәме белән авыл хуҗалыгын үстерү бәрабәренә яңа эш урыннары пәйда була, шул исәптән яшьләр өчен дә.

Мисалга, Алексей Тяпков (рәсемдә) тормыш иптәше Полина һәм ике кызы белән Казаннан Аксубайга кайтканнар. Алексей анда һөнәри лицей тәмамлаганнан соң рестораннарның берсендә эшли. Фатир мәсьәләсе аңа гаиләсе өчен яхшы шартлар эзләргә мәҗбүр итә һәм алар хатынының туган ягына кайталар. Монда ул үзенең һөнәри күнекмәләрен "ВАМИН-Аксу" агрофирмасының дуңгызчылык комплексында куллана. Эшкә керешкәннең беренче көннәреннән үк ул үзенең хезмәт сөючәнлеген, эшкә җаваплы каравын күрсәтеп, коллегалары тарафыннан ихтирам казанырга да өлгергән инде.