Аксубаево
  • Рус Тат
  • Белгеч йөрәк өчен иң файдалы витамин турында сөйләде

    Россиядә 30-60 нг/мл күрсәткече нормаль санала.

    Кардиолог һәм терапевт Ирина Мурадян йөрәк һәм кан тамырлары авыруларын профилактикалауда иң файдалы витамин турында сөйләде. Бу турыда РИА Новости хәбәр итә.

    Табиб сүзләренчә, организмда D витаминының дәрәҗәсен белү мөһим. Мәсәлән, Италия галимнәре 2007 елдан алып 2013 елга кадәр клиник тикшеренүләрнең мета-анализын уздырды һәм 32 эшнең 25ендә бу матдәнең түбән күрсәткечләренең артериаль гипертония үсеше куркынычы югары булуы арасында үзара бәйләнеш теркәлгәнен билгеләп үтте.

    «D витамины дефициты йөрәк-кан тамырлары авыруларына китерүче фактор буларак карала. Һәм гипертензияне профилактикалаганда һәм дәвалаганда комплекслы алым компонентларының берсе булырга мөмкин», — дигән кардиолог.

    Россиядә 30-60 нг/мл күрсәткече нормаль санала. Бу күрсәткеч 20-30 нг/мл булганда, D витаминының җитешмәве һәм 20 нг/мл түбән булганда дефицит теркәлә.

    Кардиолог сүзләренчә, канда D витамины дефициты булган очракта, препаратны табиб сайларга тиеш. Шулай ук кан күрсәткечләрен дә контрольдә тотарга кирәк.

     

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: