Авыл хуҗалыгы хезмәтчәннәренә!

Мөхтәрәм аграр комплекс хезмәткәрләре - кыр һәм фермаларда эшләүчеләр, район авыл хуҗалыгы предприятиеләренең төрле дәрәҗәдәге җитәкчеләре!

Һөнәри бәйрәм - Авыл хуҗалыгы хезмәтчәннәре көне белән ихлас, кайнар котлауларымны кабул итегез! Элек-электән алып һәм бүгенгесе көнгә кадәр җирдә эшләүче кешенең хезмәте иң авыр һәм иң кирәкле дип саналган һәм санала. Аграр комплекс өчен хәзерге шартлар җиңел түгел. Әмма авырлыкларга һәм авыл хуҗалыгы өлкәсендәге проблемалы ситуацияләргә карамастан, авыл хезмәтчәннәре, халыкны авыл хуҗалыгы продукциясе белән тәэмин итү буенча куйган бурычларын лаеклы үтиләр. Җиргә карата мөнәсәбәтегез хуҗаларча булу, җавапчыл булуыгыз белән сез агросәнәгать комплексын үстерү өчен уңай шартлар тудырасыз. Сезнең хезмәтегез олы хөрмәткә лаек. Сезгә һәм авыл хуҗалыгы производствосы ветераннарына фидакарь хезмәт куйганыгыз өчен тирән рәхмәтемне белдерәм. Бүген авылда яшәгән һәм эшләгән һәркемгә ныклы сәламәтлек, гаилә бәхете, иминлек һәм бәрәкәтле тормыш телим/

Камил Гилманов, Аксубай муниципаль район башлыгы.