“Зирәкләр“ арасында – безнеке

Аксубай мәктәбе укучысы "Зирәкләр һәм акыллылар" бәйгесенең финал өлешенә узды.

Казанда "Зирәкләр һәм акыллылар" республика телевизион бәйгесенең финал өлеше булды.

Республика буенча сайлап алу турында 60 кеше катнашты, алар арасында Аксубай лицееның 10 сыйныф укучысы Роман Шугаев та бар иде. Ул сайлап алу турында 9 җиңүче арасында булып, II Республика бәйгесенең финалына чакырылды. Россия телевизион бәйгесен алып баручы һәм аның җитәкчесе Юрий Вяземский почетлы кунак һәм жюри әгъзасы булды.
Роман Шугаев районыбыз данын лаеклы яклады - бәйгенең иң югары бүләге - "Зирәкләр һәм акыллылар" орденына лаек булды.

Роман кайткач, без бәйге сорауларының ни дәрәҗәдә авыр булуы һәм "зирәк" булу серләре белән кызыксындык.

- Укырга һәм өйрәнергә. Бәйгенең темасы алдан ук хәбәр ителгән иде - "XX гасыр Татарстан һәм Россия тарихы". Сораулар гади түгел, мәсәлән, аудиоязма буенча императорның тавышын танырга, Хрущевның Казанны күргәч әйткән сүзләрен искә төшерергә, Мао Дзедун белән бергә сурәтләнгән кешенең кем булуын ачыкларга, - дип хис-кичерешләре белән уртаклашты Роман.

Чынында, тарих укытучысы Светлана Пахомова фикеренчә, барысын да белеп бетерү мөмкин түгел, күп кенә сораулар анарда да шик тудырган.

- Һичшиксез, "Зирәкләр һәм акыллылар" бәйгесенә бер тапкыр китап тотып утырып кына әзерләнеп булмый. Бер атна, хәтта бер ай эчендә дә барысын да белү мөмкин түгел, - дип ассызыклый педагог. - Роман кебек гел бишлегә генә укып бару өстенә, аның кебек мәктәптән тыш программаны да үзләштерергә, логик фикерләү сәләтен, акыл һәм хәтерне үстерергә кирәк. Безнең зирәгебез әз генә тыйнаклык күрсәтә, ул инде ун ел рәттән отличниклар исемлегендә (быел өченче мәктәптән безнең гуманитар фәннәр сыйныфына күчеп килде), чыннан да, бик күп белә һәм һәрдаим үзенең күзаллавын баетып тора.