Аксубаево
  • Рус Тат
  • Үз проектыңны – кызыклы һәм аңлаешлы итеп

    Аксубайның 3нче мәктәбендә "Фәнни ярышлар чемпионаты" турниры үтте. Әлеге чемпионатны "2015-2020 елларда Татарстан Республикасында сәләтләр белән идарә итү стратегиясе" дәүләт программасы кысаларында Сәләтләр Университеты тормышка ашыра. Чемпионатны оештыручы - Аксубайның "Сәләт" клубы. Бәйгенең шигаре - "Өйрән. Тикшер. Сөйлә". "Фәнни ярышлар чемпионаты"ның максаты - катнашучыларны үзләренең фәнни эзләнүләре турында зур аудитория...

    Аксубайның 3нче мәктәбендә "Фәнни ярышлар чемпионаты" турниры үтте.

    Әлеге чемпионатны "2015-2020 елларда Татарстан Республикасында сәләтләр белән идарә итү стратегиясе" дәүләт программасы кысаларында Сәләтләр Университеты тормышка ашыра. Чемпионатны оештыручы - Аксубайның "Сәләт" клубы. Бәйгенең шигаре - "Өйрән. Тикшер. Сөйлә". "Фәнни ярышлар чемпионаты"ның максаты - катнашучыларны үзләренең фәнни эзләнүләре турында зур аудитория алдында кызыклы һәм аңлаешлы итеп сөйләргә өйрәтү.

    "Фәнни ярышлар чемпионаты" координаторы Таһир Нәсыйбуллин баштан укучылар белән мастер-класслар үткәрде, анда проект әзерләү һәм аудитория алдында чыгыш ясау серләре белән бүлеште.

    - Сөйләмне күзәтеп барырга, аннан алда аны җентекләп әзерләргә кирәк, чыгыш ясау урынын өйрәнү дә шулай ук мөһим, тышкы кыяфәткә дә игътибар бирергә - болар барысы да уңышлы чыгыш ясауда төп нигез булып тора, - дип белдерде координатор.

    Аннары катнашучылар проектларына презентацияләр тәкъдим иттеләр. Беренче лигада 5-7 сыйныф укучылары катнашты, икенчесендә - 8-10 сыйныфлар.

    Һәр лигада җиңүчеләр һәм призерлар билгеләнде. 6 сыйныфта белем алучы Татьяна Николаева һәм 9 нчы сыйныф укучысы Дмитрий Закиров чыгышлары иң яхшылар дип табылды. Алар призерлар белән бергә июль аенда узачак "Сәләт- Биләр" Халыкара форумга барачак. Барлык катнашучылар Сәләтләр Университеты сайтында теркәлгән һәм барлык проектларда да катнаша алалар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: