Якын кешеләр

Урмандеево авыл китапханәсе каршында тәрбиягә бала алган һәм күп балалы гаиләләрнең "Якын кешеләр" клубы оештырылган.

Бу авыл җирлегендә уннарча бала тәрбиягә алынган, күп балалы гаиләләр дә аз түгел. Клубка авыл китапханәсе мөдире Татьяна Максимова җитәкчелек итә. Ул "Туган йорт" төбәк иҗтимагый оешмасы, "Туган йорт җылысы" республика иҗтимагый оешмасы әгъзасы булып тора, тәрбиягә бала алган гаиләләр белән күләмле иҗтимагый эш алып бара, аларны төбәк, республика мәдәни, спорт чараларына җәлеп итеп, ялларын оештыра. Күптән түгел китапханәдә тәрбиягә бала алган гаиләләр белән очрашу булды. Әлеге форумда гаиләләр 2016 елга эш планы, бурычлар билгеләделәр.