ВИДЕО: Аксубайда ретро-концерт

Бирегә сиксәненче-туксанынчы еллар җырларын тыңлап, яшьлекләрен искә төшерер өчен төрле буын вәкилләре җыелды. Оештыручылар - районның мәдәният хезмәткәрләре очрашуны мөмкин кадәр якты һәм нәтиҗәле итү өчен бөтен тырышлыкларын куйдылар - сәхнәдә иң яхшы үзешчән артистлар рус, чуаш, татар телләрендә җырлар яңгыраттылар. Яңартылган парк мохите дә вакытны файдалы итеп уздыру өчен шәп урын - кемнәрдер биеде, башкалар җыр тыңлап моңланды, кайберәүләр эскәмияләргә утырып гапләште, таганнар һәм уен конструкцияләрендә балалар рәхәтләнеп уйнадылар, атындылар, бер сүз белән әтйкәндә, парк халык белән тулы иде.

- Без яшь чакта иске паркта бию мәйданчыгы бар иде, без ирем белән шунда таныштык. Музыка безне таныштырды, дияргә була. Бүген исә шәһәрдән кайткан оныкларыбызны алып килдек, дип үз фикерләре белән бүлештеләр Ирина һәм Владимир.

Бәйрәмгә барыннан да бигрәк балалар сөенде - алар тартынып тормадылар, сәхнәгә менеп артистлар белән биеделәр дә, аксубайлыларның яраткан җырчысына әверелгән Тимур Крайнов белән бергә үзләрен "ретро-вокалда" да сынап карадылар.