Укытучыларны хөрмәтләделәр

Районда мәгариф тармагы җитәкчелекнең игътибар үзәгендә.

Укытучылар уңышы лаеклы бәяләнә. Район башлыгы Камил Гилманов Аксубайны "Ел укытучысы" республика бәйгесендә тәкъдим иткән мөгаллимнәр белән очрашты.

Искә төшереп узабыз, быел безнең районнан Елена Львова "Иң яхшы математика укытучысы" номинациясендә - призер, Марина Пикмуллина лауреат булды. Ирина Прохорова "Өстәмә белем бирү педагогы" номинациясендә финалга чыкты. Аларның барысы да район башлыгы грантына сертификатлар һәм Рәхмәт хаты алдылар.

Аларга ярдәм кулы сузган төркем дә рәхмәт сүзләренә лаек. Болар мәгариф бүлеге методисты Наталья Мулеева, ЦВР методисты Евгения Егорова, укытучылар Галина Хуҗиәхмәтова һәм Флюра Фәхретдинова.