Укытучылар көне белән!

5 октябрь көнне без барыбыз да, чын мәгънәсендә гомумхалык бәйрәме булган, төп бәйрәмнәрнең берсе-Укытучылар көнен билгеләп үтәбез.

Мәктәп еллары, яраткан укытучыларыбыз турындагы якты хатирәләр безне гомеребез буена озата бара.
Тормыш укытучыларга һәрвакыт аерым таләпләр куйды-ә бит аның билгеләнеше дә югары-«белем орлыклары чәчү». Бүген ул шуның өстенә яңа мәгълүмати технологияләр белән коралланган булырга тиеш.
Кадерле укытучылар, мәгариф хезмәткәрләре! Ирешкән уңышларыгыз өчен ихластан рәхмәт сүзләре һәм изге теләкләрне кабул итегез. Сәламәтлек, иминлек һәм яңа иҗади уңышлар юлдаш булсын Сезгә!, - диелә район башлыгы Камил Гилманов котлавында.