Укучылар белән очрашу

Балигъ булмаган балаларның закон бозуларын профилактикалау башлангыч стадиядә генә нәтиҗәгә китерә.

Балигъ булмаганнар эшләре буенча җитәкче белгеч Әхтәм Сөләйманов һәм ПДН инспекторы, полиция майоры Ләйлә Раузетдинова 3 мәктәпнең 6 сыйныф укучылары белән очраштылар. Әхтәм Гарәфетдин улы Җинаять кодексындагы талау, тәнгә җәрәхәтләр салу гамәлләре өчен каралган маддәләрне аңлатып үтте. "Комендант сәгате" турында да искә төшерде. Балигъ булмаганнарның төнлә йөрүләре ата-аналарга 2 мең сум штраф салу белән тәмамланырга мөмкин. Балалар үзләре дә сораулар бирделәр. Аларны полиция хезмәткәре һәм офицеры булу кызыксындырды.

- Профилактикалауны яшьтән үк башлау авыр яшүсмерләрне дә яхшы якка үзгәртә, алар мәктәптә яхшырак укый башлыйлар, иҗади студияләрдә һәм түгәрәкләрдә үзләренең сәләтләрен ачалар, - ди тәрбияче.