Тәрбияләү максатларында

Татарстанда беренче республика яшь армиячеләр слеты үтте.

Яр Чаллы шәһәренең "Родина-Мать" мемориаль комплексы янында узган тантаналы чарада Аксубай лицее укучысы Арсений Охотников катнашты. Республиканың 67 яшь армиячесе беренче тапкыр ант бирделәр. "Яшь армия" Бөтенроссия балалар һәм яшүсмерләр хәрби-патриотик иҗтимаги хәрәкәте Россиянең оборона министры Сергей Шойгу инициативасы белән оештырылды. Бу фикерне РФ Президенты Владимир Путин да хуплады. Хәрәкәтнең максаты - үсеп килүче буында Россия географиясенә, тарихына, халкына, геройларына, атаклы полкчыларына һәм күренекле галимнәренә карата кызыксыну уяту.