Шәп ял

Мадагаскарлыларны непоседалар иптәшләрчә очрашуга чакырдылар.

Мадагаскарлылар алар - Аксубай лицее каршындагы "Мадагаскар", ә непоседалар - Аксубайның 3 нче мәктәбе каршындагы лагерьдә ял итүчеләр. 3 нче мәктәпнең спорт мәйданында 150 укучы очрашты. Физкультура укытучысы Геннадий Леонтьев кызыклы спорт ярышлары оештырды. Көн вакыйгаларга бай булды. Озак көткән кояш та җылы нурларын сипте. Сәламәтләндерү физкультурасыннан тыш балалар яхшы кәеф тә алдылар. Ә исәнлек һәм яхшы кәеф - бәхетле җәй дигән сүз.