Проект җиңүчесе

Агымдагы елның мартында ТР Мәгариф министрлыгы «Дәресләрдән соң мәктәп» проектлар конкурсы игълан иткән иде.

Иске Тимошкино урта мәктәбе әлеге проектлар конкурсында актив катнашты. Светлана Мелентьева проектның җитәкчесе булып тора. Проект «Милли төс ядкарьләре» исемен йөртә. Мәгариф министрлыгы проектларны җентекле сайлап алып, җиңүчеләрне игълан итте, алар арасында Иске Тимошкино урта мәктәбе дә бар. С.Мелентьева татар теле һәм әдәбияты дәресләрен алып бару өстенә «Мәрҗәннәр үрү» түгәрәген дә җитәкли. Балалар түгәрәккә теләп йөриләр. Балалар үзләре ясаган әйберләрне Россия һәм Республика дәрәҗәсендәге төрле конкурсларга җибәрәләр. Хәзер мәктәп проектта планлаштырылган җиһазны көтә.