Патриотлык айлыгы

Гражданлык-патриотик тәрбия айлыгы кысаларында мәктәпләрдә "Батырлык дәресләре" үтә.

Укучылар белән сугыш һәм эчке хезмәт ветераннары советлары вәкилләре очраша. Шул көннәрдә Аксубайның 2 нче мәктәбендә "Батырлык дәресләре" үтте. Балалар белән Әфган сугышы ветераны Гомәр Хәйруллин, эчке эшләр бүлеге ветераннары Советы рәисе Шамил Сәхабетдинов һәм ПДН инспекторы Игорь Белов очрашты. Аксубайның 3 нче мәктәбендә айлык кысаларында 3 сыйныфта класс сәгате узды. Балалар "Илнең иминлеге кемгә бәйле?" дигән сорауга җавап бирергә тырыштылар. Тарихи тамырлар, дәүләт символлары турында сөйләделәр. Практик эш тә кызыклы үтте. Укучылар дәүләт әләмен һәм гербын ясадылар.