Объективта–туган төбәк табигате

Иске Үзи урта мәктәбе укучылары "Үзебез яшәгән дөнья" балалар иҗаты район фестивалендә "Тукта, мизгел" номинациясендә зур кызыксыну белән катнаштылар.

Укучылар район балалар китапханәсенә туган төбәкнең иң матур, иң гүзәл урыннары тасвирланган фоторәсемнәрне тәкъдим иттеләр. Абруйлы жюри Максим Захаров, Данила Матвеева, бертуган Виолетта һәм Лилия Артамоноваларның эшләренә лаеклы бәя биреп, призлы урыннар билгеләде. Яшь һәвәскәр фотографлар шул көннәрдә тантаналы линейкада балалар китапханәсе исеменнән истәлекле бүләкләр, Дипломнар һәм Рәхмәт хатлары алдылар.