Һөнәр белән таныштылар

"Бергә булдырабыз" проекты кысаларында, "Һөнәрләр илендә" программасы буенча, "агач остасы" һөнәре белән танышу максатыннан приютта тәрбияләнүчеләр агачтан әйберләр ясау остаханәсендә булдылар.

Балаларның остаханәгә эләккәч, агач остасының ничек эшләвен күреп хәйран калуларын сүзләр белән әйтеп бирү мөмкин түгел. Оста Андрей Бикмуллин үзенең һөнәре турында сөйләде: үз һөнәрен яратуы, хезмәт сөючәнлеге, максатка омтылуы, үҗәтлеге аркасында ул агач остасына әйләнгән. Андрей Евгеньевич инструментлар белән ничек эшләргә кирәклеген, агачка уеп рәсем төшерү серләрен балаларга практикада җентекләп күрсәтте. Экскурсия вакытында балаларда агач остасы хезмәтенә кызыксыну, эшләп карау теләге уянды.