Корбан бәйрәменә багышлап

«Нежность» халыкка социаль хезмәт күрсәтү үзәгенең тернәкләндерү бүлегендә чираттагы ике атналык ял Корбан бәйрәменә багышланды.

Анда авыл хуҗалыгы, сәламәтлекне саклау, мәгариф, төзелеш һәм башка төрле тармакларда хезмәт куйган хатын-кыз ветераннар ял итте. Аларның ял вакытлары дәвалау һәм сәламәтләндерү процедураларыннан соң күңелле үтсен өчен, хезмәткәрләр күп көч куйдылар.
Мавыктыргыч бәйгеләр һәм уеннардан тыш, мәдәни программага ислам тарихы һәм мөселманнарның изге китабы Коръәнне тирәнтен белүгә юнәлдерелгән файдалы чаралар да кертелгән иде.