Китап битләрен актарып

Район үзәк китапханәсе «Яраткан китап битләрен актарып» дип аталган яшь иллюстраторлар бәйгесенә чакыра.

Бәйгегә теләсә нинди классик әсәрдәге сюжет фрагментына тамашачыларда китапка карата зур кызыксыну һәм соклану уятырлык А3 һәм А4 форматларында авторлык иллюстрация эшләре кабул ителә. Рәсемгә кулдан яки басма текст белән язылган әсәрдән өзек өстәлә. Авторын һәм әсәрнең исемен күрсәтү шарт. Иллюстрация артына бәйгедә катнашучының исем-фамилиясе, әтисенең исеме язылырга тиеш. Бәйге эшләре 2015 елның 31 октябреннән дә соңга калмыйча Аксубай үзәк китапханәсенең уку залында кабул ителә. Анда 14 яшьтән 25 яшькәчә кешеләр катнаша ала.