Күчмә утырыш

Шул көннәрдә Аксубай лицеенда балигъ булмаганнар эше һәм аларның хокукларын яклау буенча комиссиянең күчмә утырышы үтте.

Тәрбия эшләре буенча директор урынбасары Татьяна Прохорова Аксубай лицее укучылары белән алып барылган профилактик эшләр турында сөйләде. Лицей директоры Вячеслав Миронкин беркетелгән яшүсмерләр белән эшләүгә тукталды.
Утырышта шулай ук балигъ булмаган балаларның һәм аларның ата-аналарының шәхси эшләре, ваемсыз ата-аналарны ата-ана хокукыннан мәхрүм итү материаллары каралды, мәктәпнең профилактик исәптә торган яшүсмерләре тыңланды.