Каникулда да эшләделәр

Көзге каникул көннәрендә 3 нче Аксубай мәктәбе базасында Мәктәптән тыш эшләр үзәге хезмәткәрләре мәктәпләрнең өстәмә белем бирү укытучылары белән киңәшмәләр үткәрделәр.

Үзәк хезмәткәрләре өч көн рәттән мөгаллимнәр белән семинарлар оештырдылар. Укучыларны исәпкә алуда электрон һәм кәгазь журналларны кертү, түгәрәк берләшмәләрендә балаларны шәхси исәпкә алуның пилот проектын куллану, өстәмә белем бирү педагогларының район, республика, Бөтенроссия һәм Халыкара дәрәҗәдәге бәйгеләрдә катнашулары һәм башка мәсьәләләр тикшерелде.

Фото: edu.tatar.ru