Иң яхшыларны бүләк көтә

Татарстанда "Иң яхшы билингваль балалар бакчасы" грантына бәйге старт алды.

Грантның максаты - мәктәпкәчә яшьтәге балаларга Татарстан Республикасының дәүләт телләрен өйрәтү сыйфатын күтәрүне, бу эшчәнлек юнәлешендә балалар бакчаларының уңай эш тәҗрибәсен җәелдерүне стимуллаштыру. Бәйге нәтиҗәләре буенча мәктәпкәчә яшьтәге балаларга югары сыйфатлы билингваль белем бирүне тәэмин иткән 20 балалар бакчасы ачыкланачак һәм аларга грантлар биреләчәк. Үткән елда район үзәгенең "Ләйсән", "Буратино" һәм "салават күпере" балалар бакчалары әлеге бәйге җиңүчеләре булдылар һәм 1 миллион сумлык грант алдылар.