Иң яхшылар булдылар

Безнең район укытучылары "Татарстан Республикасы өчен инглиз теле" Республика проекты кысаларында бер еллык дистанцион уку үттеләр.

Һәркөнне Шанхай университеты укытучысы белән Он-лайн режимында очрашып, алар Халыкара программа курсларын үттеләр. Уку барышын ТР Мәгариф һәм фән министрлыгы белгечләре дә контрольдә тоттылар.
Укытучылар Гөлнара Минхәйдарова (Сөнчәле урта мәктәбе), Нина Краснова һәм Людмила Кандалина (3 нче номерлы Аксубай мәктәбе), Любовь Охотникова белән Ирина Макарова (Аксубай лицее) барлык контроль эшләрне уңышлы башкарып, уналтынчы дәрәҗәгә ирештеләр. Бу көннәрдә алар уңышларын раслаучы Халыкара дипломнар алдылар.