Хезмәт иминлеге буенча

Аксубайда җитәкчеләрнең һәм хезмәт иминлеге буенча җаваплы вәкилләрнең укулары оештырылды.

Мәгариф бүлегендә аңлатып үтүләренчә, РФның Социаль үсеш министрлыгы һәм РФ Мәгариф министрлыгының "Белем бирү хезмәткәрләренең хезмәтне саклауда таләп ителгән белемнәрен тикшерү һәм хезмәт иминлегенә кагылышлы укулар үтү тәртибе турында"гы карарны үтәү йөзеннән 26 апрельдә Аксубайның 2нче мәктәбендә җитәкчеләрнең һәм хезмәт иминлеге буенча җаваплы вәкилләрнең укулары башланды. Районның мәктәп һәм мәктәпкәчә белем бирү учреждениеләреннән 107 хезмәткәр шундый укулар үтә.

Фото: apbks.ru