Елдан-ел матурая бара

Аксубай универсаль технологияләр техникумы яңа елга бизәлешне кабаттан яңартты.

Күптән түгел аны тәкъдир итүгә килгән җитәкчеләр, техникум биналарны яңа елга бизәүдә алдынгылыкны били, дип билгеләп үтеп, АТУТ җитәкчесе эшенә югары бәя бирделәр. "Боларның барысы да халык, безнең балаларыбыз, кунаклар өчен эшләнә, алар районда булганнан соң, Аксубайның танымаслык булып үзгәрүен һәрдаим искәртеп торалар", - диде тәкъдир итү чарасына килгән район башлыгы Камил Гилманов. Техникум бизәлешенә аксубайлылар гына түгел, район кунаклары да бәя бирде.